Бугарија бара 1,4 милијарди евра од ЕУ за енергетски проекти

Во рамките на т.н. Јункеров план за енергетски проекти, Бугарија ќе побара 1,4 милијарди евра за шест енергетски проекти. На првата листа на пријавени проекти, која беше завршена во декември 2014-та, се најдоа само проекти од електроенергетиката, додека во јануари годинава се додадени уште шест проекти кои се однесуваат на користење на природниот гас: изградба на интерконекции, проширување на подземното складиште за природен гас во Чирен, изградба на ново складиште за природен гас и други. Вредноста на овие шест проекти се проценува на 764 милиони евра, а двата електроенергетски проекти 646 милиони евра.