Покривите на сите деловни згради во Франција мора да имаат фотоволтаици или билки

Според неодамна усвоениот закон, покривите на новите деловни згради во сите француски градови мора делумно да бидат покриени со растенија или со фотоволтаици. Зелените покриви имаат ефект на изолатори, ја намалуваат количината на енергија потребна за греење во зима и ладење во лето. Тие ја задржуваат дождовницата и ја поттикнуваат биолошката разновидност.

Застапниците во парламентот го одбиле првичното барање на активистите за заштита на животната средина кои барале покривите на сите новоизградени згради да бидат прекриени со зеленило, па уредбата сега се однесува само на деловните објекти. Со амандман, воведена е можност наместо билки, покривот да биде прекриен со фотоволтаици. Зелените покриви се многу популарни во Германија и Австралија. Во Торонто, Канада, постои сличен закон за зелените површини на покривите на станбените и индустриските згради усвоен во 2009 година.