Безвременскиот глазиран порцелан на Џио Понти

Џовани „Џио“ Понти (1891 – 1979) италијански архитект, индустриски дизајнер, дизајнер на мебел, уметник, учител, писател и издавач.

Во текот на својата кариера, која траеше шест децении, Понти изгради повеќе од сто објекти во Италија и во остатокот од светот. Дизајнирал значителен број предмети за украсна уметност и дизајн, како и мебел. Благодарение на списанието „Домус“, кое го основал во 1928 година и го уредувал речиси цел живот, и благодарение на неговото активно учество на изложби како што е триеналето во Милано, тој исто така бил и ентузијастички поборник за уметност на живеење во италијански стил и главен играч во обновувањето на италијанскиот дизајн по Втората светска војна. Од 1936 до 1961 година предавал на Политехничката школа во Милано и обучил генерации дизајнери. Понти во 1954 година, исто така, придонел за создавањето на една од најважните награди за дизајн: наградата Compasso d’Oro.

Неговите најпознати дела се кулата Пирели во Милано во соработка со Пјер Луиџи Нерви, вилата Planchart во Каракас и столот Superleggera, произведен од Cassina во 1957 година.

Но, пред новогодишните празници да се потсетиме на еден од неговите безвременски дизајни, дел од колекцијата Fantasia Italiana, сервис за јадење од глазиран порцелан, изработен во 1967 година за индустријата Ceramica Franco Pozzi, кој може да претставува одличен новогодишен подарок.