Беспрекорен дизајн на када и мијалник

За оние за кои бањата претставува оаза на опуштеност, дизајнирани се када и мијалник Vessel со супериорен дизајн. Дизајнерскиот колектив Splinter Works специјализиран за бањи, но само за оној вид во кој еднаш кога ќе влезете не сакате повеќе да излезете. Во нив царува беспрекорен луксузен дизајн, што ги прави оази на релаксација дури и за оние најпребирливите.

Игнорирајќи ја традиционалната бела боја која најчесто се користи во уредување на бањите, тие се одлучиле за црната. Исто така, напуштајќи ја керамиката и мермерот, луѓето од ова дизајнерско студио се посветени на нови материјали – односно заради посебните карбонски влакна, оваа када има тежина од само 14 килограми, што значи дека може да биде поставена на кое било место без страв од пропаѓање.

Дизајнот на кадата го имитира дизајнот на мијалникот и така формираат идеален пар за еден простор. Но, ваквиот раскош и чини, па така цената на овој комплет изнесува речиси 20 илјади фунти.