Завршена изведбата на хидроизолациона заштита на „Мобилна воена болница, Рол -2“ кај Инфективна Клиника, донација од АДИНГ

АДИНГ направи донација во материјали и изведба, за поставување на хидроизолациона заштита на објектот „МОБИЛНА ВОЕНА БОЛНИЦА „РОЛ-2“. Притоа, изведбата на позицијата е целосно завршена на 30.03.2020 година, додека одлуката за донација во материјали и изведба во износ до 15.000 евра, беше донесена на вонредна седница на УО на АДИНГ одржана на 27.март.

Вредноста на донацијата по целосно завршената работа и предавање на објектот, изнесува 15.358 евра.

На овој начин АДИНГ ги поддржува сите напори и активности на Министерството за Здравство и на Владата, во борбата и справување со кризата со COVID 19. Воедно како домашна компанија, ја потврдува општествено одговорната улога во овие тешки моменти за заедницата.