Порта3 – градежништво, архитектура и екологија Порта3 – градежништво, архитектура и екологија
Црна Гора ја доби првата електрана на депониски гас во регионот, еколошки проект на депонијата за комунален отпад „Можура“ во близина на Бар. Овој капацитет овозможува намалување на емисиите и влијанието на депонијата врз околината, како и производство на електрична енергија. Вкупната вредност на инвестицијата е 1,8 милиони евра. Во моментот постројката е во пробен погон, а веќе ги има добиено сите потребни согласности за комерцијална работа.
Електраната функционира така што го собира депонискиот гас кој настанува со разградување на отпадот и преку посебен систем се доведува до постројката каде се користи како погонско гориво за задвижување на гасен мотор односно понатаму и генератор. Гасниот мотор е од брендот Jenbacher , а целата постројка е автоматизирана и има висока оперативна сигурност. Инсталираната моќност е 0,99MW. Планирано е годишно да произведува околу 7,5 GWh електрична енергија.
Финансирањето на овој проект е обезбедено првенствено од депонијата „Можура“, како носител на проектот, потоа од Еко фондот на Црна Гора, додека словенечкиот партнер CMSR учествувал со донација од 631.800 евра.
