Хрватска добива 44 милиони евра грантови за зелена транзиција

За периодот до 2028 година, Хрватска ќе добие вкупно 44 милиони евра во вид на грантови од ЕЕА (European Economic Area) и Норвешка, за зелена транзиција. Попрецизно, 21,6 милиони евра се наменети за програмата за зелена транзиција, а 22 милиони евра за иновации за зелена и сина економија. Овие неповратни средства се дел од механизмот за поддршка од вкупно 111 милиони евра, вклучувајќи и средства за локален развој и правосудство.

Во изминатиот период, со финансирањето преку овие механизми, во Хрватска се реализирани низа проекти, вредни над 103 милиони евра, меѓу кои се и воспоставување на четири регионални научни центри и голема геотермална бушотина во Бјеловар.

Норвешките и EEA грантови се дел од Финансискиот механизам на регионот кој го сочинуваат државите членки на ЕУ, Исланд Лихтенштајн и Норвешка. Кориснисите се во земјите на EУ чиј бруто национален приход по глава на жител е под 90% од проесекот на Унијата. Актуелниот седумгодишен период на финансирање започнал во мај 2021 година, а ќе трае до април 2028 година.