Стигна првата Nevera од сериско производство

Првиот продукциски примерок на  Rimac Neverа, зелена Callisto нијанса со ентериер од алкантра во боја на песок, слезе од производната линија во погонот на оваа компанија во близина на Загреб. Тој пристига после пет години развој и тестирања, 18 произведени прототипови, 45 судат тестови, успешно завршена европска и американска хомологација. Првиот примерок  (сериски број #000) ќе остане во сопственост на Bugatti Rimac, додека првите возила наменети за купувачите веќе се во фаза на производство на фабричката линија.

Темпото на производство се подига до планираниот капацитет од 50 единици годишно, кои ќе се испорачаат на купувачите низ целиот свет. Од компанијата истакнуваат дека првите автомобили за испорака на купувачите веќе се склопуваат, при што за секој автомобил се потребни пет седмици на самата линија за монтажа, додека одредени делови и системи се изработуваат со месеци пред тоа. Nevera наскоро ќе се испорачува ширум светот преку глобална мрежа од 25 официјални дистрибутерски партнери, која се протега низ САД, Европа, Азија и Бискиот исток.