Куќа во Јапонија која ги следи потребите на домаќинот

Можеби оваа куќа, која е интересно дело на јапонската модерна архитектура, на прв поглед не изгледа особено репрезентативна, можеби дури изгледа и малку плашлива заради својата црна боја и целосно неинтересната структура, но школката секогаш добро го крие бисерот од љубопитните очи.

Така, овој донекаде чуден проект може да се нарече дизајн на слободен и отворен „скелет“ што претставува своевидна варијанта „направи сам“, погодна за различни стилови на живот. На крајот на краиштата, куќата треба да го следи темпото, но и животните навики на нејзиниот домаќин, но сето тоа доаѓа само кога ќе се преориентираме кон нејзината внатрешност и ќе ја исполниме како што си замислувавме.

Надворешноста, од друга страна, честопати ни остава малку простор за компромис. Оваа дрвена еднокатна куќа има огромен стрмен покрив со висина на таван дури осум метри. Сосема логично, архитектите морале да се фокусираат на промена на овој голем простор. Поентата на приказната била да се сведат сите тие квадратни метри на простор што може да се користи во различни животни околности.

Конструкцијата на дрвена куќа со гигантски кров послужила да се создаде феноменален простор што може да се нарече еден вид домашна библиотека или совршен агол за учење, релаксирање и уживање.

Оваа соба, за само еден момент, исто така, може да се претвори во нешто поинтимна спална соба, или простор за вежбање, па дури и складирање. Дрвениот дизајн и универзалната конструкција можат да се преградат и така да се осмислат на милион начини, а тоа навистина нуди бесконечни можности.

Со правилен избор на мебел, добра комбинација на бои и малку уметнички дела, овој дом од студен и мистичен проект сега е идеално место за семејно уживање.