Dior ја лансираше новата колекција Aquarius

Летото е време за ручеци на отворено и појадок на тераса, а новата колекција на сервис за јадење Dior наречена Aquarius ќе и даде на секоја гозба нота на свежина.

Сите предмети се направени во деликатни нијанси на сино-зелена боја и рачно насликани со визуелни елементи од слатководни риби. Жителите на реките не се овде случајно – колекцијата Aquarius, дизајнирана од Cordelia de Castellane, создадена е да не запознае со идиличната атмосфера на викендицата на господин Dior во Milly-la-Forêt.

За модниот дизајнер ова место станало вистинско засолниште од париската гужва. Во своите мемоари, напишал: „Можев да се повлечам во мојата куќа од цвеќиња и мирно да го слушам црцорењето на птиците. Тука течеше и река, мрзеливо носејќи ги своите води покрај локалната воденица и слатките куќички“.

Колекцијата вклучува чинии, чаши и садови со „портрети“ на подводните жители, како и елегантни стаклени скулптури од риби кои ќе ја красат секоја маса. Финалниот допир за убава декорација на масата е рачно везен чаршав.

Самостојните орнаменти во форма на риба се направени целосно рачно од мурано стакло. „Секој може да ја избере својата риба, сите се различни“, објаснува Cordelia, „Во потокот ништо не е уредно и сакав тоа да го пренесам на оваа колекција“.

Секој од овие елементи игра улога во создавањето на малку романтични и разиграни дезени инспирирани од toile du jouy (вид украсен шаблон кој се состои од бела или прљаво бела, кој ги красел ормарите и ентериерите на Франција од 18 и 19 век), додавајќи допир на елеганција во вашиот дом. Колекцијата Aquarius веќе е достапна за нарачка на веб-страницата на Dior.