Зелена мрежа во Атланта за љубителите на птици

Бирото за архитектура и дизајн од Њујорк, SO-IL направило метална зелена мрежа во Атланта, која формира мрежасти лежалки и простор за ранење птици.

Проектот наречен Murmuration, (мрморење) поставен е на плоштадот пред Музејот за висока уметност, дограден од Ренцо Пиано и со оваа зелена мрежаста структура SO-IL сакале да обрнат внимание на единствениот градски пејзаж на Атланта кој е познат по изобилството од дрвја.

Murmuration покрива површина од 218 квадратни метри и дава на Атланта референца за односот кон природата, користејќи и камери за следење на миграциите на птиците. Бирото овие контекстуеални елементи ги претвора во едноделна структура со висечки мрежи, простор за ранење птици, елементи за лежење.

Архитектите создале шест сегменти, носени од шест столба кои ја извлекуваат мрежата по висина, а создавајќи и мрежа во долниот дел која се растегнува во линеарна форм и го покрива просторот.

„Додека поминуваат преку плоштадот, луѓето ги опкружува мрежаста настрешница со челична рамка, што евоцира на дрвја кои ги има ширум регионот“, велат од SO-IL.

Скуптуралниот аранжман има ехо од мрморење (murmuration) на јато птици. На настрешницата се поставени хранилки за птици, места за лежење, елементи кои потикнуваат интеракција, набљудување и свест.

Од бирото велат дека Murmuration е осмислена со цел да потикне разговори за биолошката разновидност, изумирање и заедничкиот соживот. Тие велат и дека создавањето на одржлива иднина на Атланта вклучува и одржување и зголемување на бројот на стеблата.

Архитектите објаснуваат „Murmuration во својот наслов и концепт исто така се залага за напори за зачувување на птиците, поставувајќи го прашањето за нивна загуба и што тоа значи за нашата иднина“.

Конструкцијата е направена во Мексико и допремена во Атланта. Оваа настрешница може да се размонтира и повторно монтира на некоја друга локација и на тој начин создаде свој миграциски пат.

Привремената инсталација на SO-IL може да се види до 29 ноември 2020 година на плоштадот на Музејот за висока уметност.