Замок од 21 век

Овој грандиозен француски замок, кој се наоѓа во Торонто, може да биде ваш по цена од 21 милиони долари.
Дизајниран од страна на J.F. Brennan Design/Build Inc, овој дом на 2.200 квадратни метри со традиционален шарм и класичен стил претставува 9 + 1 спални соби и 13 бањи и купатила. Овој неверојатен имот се наоѓа на 2,2 хектари земјиште и ги има сите можности и карактеристики што ги бара модерниот живот во 21 век.
Идеален за семеен живот, овој замок има простран главен кат со двоспратен хол, луксузна дневна соба исполнета со природна светлина и со поглед на гламурозна градина и фонтана. Декорацијата и дизајнот се беспрекорни во согласност со стилот, а еден од елементите кој привлекува големо внимание е антички камин од мермер, како и библиотеката со вградени полици и детаљи на таванот. Трпезаријата е совршена за забави и гости, додека отворената кујна е беспрекорно место за подготовка на оброци и семејни појадоци.