Волшепство од бои и сенки на западниот терминал од меѓународниот аеродром LAX

Со цел да се произведе еден спокоен момент сред хаотичните активности на меѓународниот аеродром LAX во Лос Анџелес, Ball-Nogues Studio го реализира проектот за „воздушна градина“, просторна инсталација во вид на шаренолик облак кој ја окупира и трансформира светлината од западниот терминал Бредли, во волшепство од бои и сенки.

Инсталацијата се состои од тенки метални синџири, кои се прикачени на кровната конструкција за да произведат низа на брановидни форми на лебдечка структура, која манипулира со атмосферата на високиот простор пред луѓето што поминуваат или застануваат да се одморат. Интервенцијата, што ги спротивставува функционалната со експерименталната природа на целиот објект, обезбедува место за пауза и потенцијално размислување.

Низите од синџирестите форми се однесуваат на основната организација и архитектонските карактеристики на западниот терминал Бредли. Композицијата со боите ги имитира сенките што ги фрла кровната структура врз инсталацијата. Инсталацијата е просторно осветлена од различни страни, а е визуелно видлива од сите агли, достапна до различните терминални услуги распоредени наоколу.

Дизајнот се однесува на квалитетите на светлината и просторноста, карактеристични за Лос Анџелес. Архитектите од Ball-Nogues Studio ја опишуваат структурата како градот: „Нема посебен почеток или крај, внатре или надвор, назад или напред. Таа е и објект и атмосфера. Нејзината појава не е статична и ја траснформира светлината во секој час од денот“.