Во рударски регион во Сибир, падна токсичен црн снег

Во неколку градови во рударски регион во Сибир, падна црн токсичен снег. Ваквите ужасни временски прилики се резултат на емисијата на јагленова прашина од огромните јагленови површински копови, како и на слабото одржување на постројките, односно дефектите во системите за зафаќање на честичките од јагленова прашина. Со последиците од оваа состојба соочени се вкупно 2,6 милиони луѓе кои живеат и работат во областа. Просечниот животен век на населението во оваа област е за 3 до 4 години понизок од просекот во остатокот од Русија. Регионот е домаќин на еден од најголемите јагленови наоѓалишта во светот.

Велика Британија е најголемиот увозник на јаглен од Русија. Половина од потрошувачката ан јаглен во Британија доаѓа од Русија, односно 90% од овој регион. Здруженијата за заштита на животната средина во Британија повикаа на бојкот на рускиот јаглен, се додека не се воспостават стандарди за заштита на животната средина. Јагленовата прашина која е постојано во воздухот на Сибирскиот регион, но црните снегови ја направија видлива, содржи опасни тешки метали меѓу кои арсен и жива.