Насловна / Архитектура / Во МСУ отворена изложбата „Ослободување-на-просторот“

Во МСУ отворена изложбата „Ослободување-на-просторот“

Проектот и изложбата „Ослободување-на-просторот“ на кураторите Слободан Велевски и Марија Мано Велевска и четирите тимови архитекти, вчера во 20 часот беше отворена во преполната сала во Музејот на современа уметност (МСУ).„ Ослободување-на-просторот“ е всушност претставникот на македонскиот павилјон на 16. Интернационална изложба на архитектурата во Венеција во 2018 година.

IMG_20190312_212818
Професорот Влатко П. Коробар пред присутните говореше за проектот кој ги отвора прашањата што во последниве години ги наметна насилната преобразба на идентитетот на Скопје.

IMG_20190312_213338

А кураторите велат: „Во популистички агресивната градежна офанзива наречена „Скопје 2014“, што го окупира средиштето на градот со недогледни колони на накитени стиропорни фасади и помпезни бронзени споменици, архитектурата и урбанизмот беа злоупотребени за крајно фриволно располагање со јавниот простор и за заробување, потиснување или негирање на претходните архитектонски достигнувања“.

IMG_20190312_212337

Поставката третира четири различни проекти изработени од четири тимови архитекти во соработка со кураторите: проектот „Непријатна блискост“ го реконципира објектот на ЦК СКМ, односно Владата на Република Северна Македонија; проектот „Повторно поврзување“ го обликува просторот помеѓу комплексот Пошта – Телекомуникациски центар; проектот „#Ослободување #Поврзување #Прочистување #Репрограмирање“ го третира платото пред Македонската опера и балет (МОБ); проектот „Дестратификација Скопје“ ја преформулира фасадата и содржината на зградата на НА-МА.

IMG_20190312_212439
Ова се идеи кои може некому да се допаѓаат или не, но важно е дека отвараат простор за дебата, спротивставување на ставови, поставуваат прашања и бараат одговори.

IMG_20190312_212606
Кураторите најавија кон крајот на април дека на македонски јазик ќе излезе проширено издание на книгата за на шиот претставник во Венеција, а ќе се одржи и трибина, која има за цел да го поттикне дијалогот во јавноста и да побара политички и општествен став околу прашањата иницирани со проектот „Ослободување на просторот“.
Изложбата ќе биде отворена до 30 април 2019.

IMG_20190312_212735

IMG_20190312_213014

IMG_20190312_213110

IMG_20190312_212940

IMG_20190312_212901

IMG_20190312_220807

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top