Во Археолошкиот музеј отворена изложбата „Сребрена Тракија“

Вчера во Археолошкиот музеј во Скопје се отвори изложбата „Сребрена Тракија“ и истата е прво целосно претставување на тракиската култура во нашата држава. Изложбата „Сребрена Тракија“ е воспоставената соработка меѓу Македонија и Бугарија, за зачувувањето на културното наследство кое истовремено е и заедничка европска вредност.

Изложбата е резултат на соработката меѓу македонскиот Археолошки музеј и Националниот археолошки институт со музеј при Бугарската академија на науките во Софија. Во рамки на оваа соработка, минатиот месец во Софија беше отворена и изложбата „105 години Требеништа“.

Изложбата „Северна Тракија“ е поддржана од Министерството за култура на Македонија и од Министерството за култура на Бугарија, а покрај ексклузивните археолошки предмети од Националниот археолошки институт со музеј при БАН – Софија, содржи и наоди од 17 историски и регионални музеи во Бугарија.

Според министерката за култура Бисера Костадиновска Стојчевска, ваквите изложби се дел од европски вредности кои претпочитаат реално запознавање и читање на фактите од минатото, како и соочување со фактот дека историјата не се буди по потреба, туку се учи за да не разбуди.

Министерот за култура на Бугарија, Крастју Крастев во своето обраќањето посочи дека е уверен дека со поставените експонати се претставува минатото, а за во иднината останува сплотување меѓу народите за претставување на нивната култура и се надева на продлабочување на ваквите соработки.

Фото: КИРО ПОПОВ