Насловна / Екологија / Устието на реката Бојана – еколошка бомба

Устието на реката Бојана – еколошка бомба

gjubre
Стотици тони смет расфрлени на устието на Бојана и на песочната „Голема плажа“ долга 12 километри, пружаат навистина страшна слика. Пластика, апарати за домаќинство, мебел па дури и автомобилски шасии. Тој отпад веќе не стигнува само преку реката Бојана од Албанија и Црна Гора, туку и од Косово и од Македонија со реката Дрим, чиј еден крак се влева во Бојана.

Проблемот стана меѓународен, а минатите години се случуваше, поради движењето на морските струи, сметот од тој простор да стигне до јужна Далмација, односно до полуостровот Пељешац. Таквата состојба посебно ги загрижува екологистите и туристичките работници од регионот, бидејќи исклучително негативно влијае на растителниот и животинскиот свет.

Поширокото подрачје на реката Бојана воедно е најзначајното место за презимување, гнездење и исхрана на птиците на целиот источен брег на Јадранот. Официјални Подгорица и Тирана потенцираат дека му посветуваат значајно внимание на проблемот, но од друга страна пак, тврдат дека немаат пари и ресурси да го решат. Во секој случај, сосема е извесно дека решение за овој проблем нема ни на повидок, а жителите на Улцињ во страв ги дочекуваат новите дождови и новите купишта смет.

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top