Транспарентни зелени кули за прочистување на воздухот во Хонг Конг

Компанијата  Midori Architects предложила изведба на ултра – зелени транспарентни кули кои би го краселе хоризонтот на Хонг Конг.  Футуристичките облакодери „Aero Hive“ би имале органска фасада која би била „преплавена“ со зеленило. Концептот е заснован на креирање на симбол на одржливото архитектонско проектирање, прилагоден на предизвиците на локалната клима и намалувањето на CO2  во тоа подрачје. Проектот кој неодамна победил на „Skyhive Skyscraper Challenge“ има внимателно избран облик и димензии, како и материјал, за да биде отпорен на ветровите, но и за да создаде нови перцепции кога се во прашање зелените облакодери. Попрецизно, „Aero Hive“ има за цел да го промени општоприфатеното мислење дека високите згради не можат да бидат природно вентилирани поради својата височина, па токму затоа нуди новини кои се во спротивност со традиционалните концепти.