Toyota ги испорача возилата за ЛОИ 2024 во Париз

Toyota, како светски партнер во мобилноста на Меѓународниот олимписки одбор и Меѓународниот параолимписки одбор, започна со првите испораки на возила за поддршка на Олимписките и Параолимписките игри, Париз 2024. Севкупно, Toyota ќе обезбеди флота од над 2.650 електрифицирани возила и 700 електрични решенија на мобилноста. Меѓу тие решенија има и 250 Accessible People Movers (APM), редизајнирани за Париз 2024, и произведени во Европа.

Сите возила на овој бренд присутни на настанот, ќе ја нагласуваат стратегијата на Toyota за јаглеродна неутралност, при што секоја технологија ќе се идентификува преку наменски бои. Сината боја е за возилата со водородни горивни ќелии, зелената за батериските електрични возила, додека виолетовата е избрана за хибридните и plug-in хибридните возила. Компанијата планира до 2050 година да постигне јаглеродна неутралност на глобално ниво, а во Европа до 2040 година.