Тим од Скопје добитник на трета награда на конкурс за спортска сала на Цетиње

На официјалната веб-страница на престолнината на Црна Гора соопштено е дека со изборот на победничкото решение заврши меѓународниот јавен конкурс за изработка на идејното архитектонско решение за спортската сала на Цетиње, објавен во јули годинава со награден фонд. во бруто износ од 33.500 евра.

Прва награда

Меѓународното жири одлучи првата награда од 15.000 евра да му припадне на проектот на Биро 81000 од Подгорица. Автори на проектот се Иван Јовиќевиќ и Душан Ѓуровиќ, со соработниците Денис Тахировиќ, Теодора Бијелиќ, Ксенија Гомилановиќ и Оливер Мирковиќ, додека соработници за конструкција се Иван Живковиќ и Младен Мухадиновиќ.

Прва награда

ПРИСТИГНАЛЕ 15 ПРОЕКТИ

Втората награда која изнесува 9.000 евра, е за проект на меѓународен тим автори составен од Мирко Поповиќ, Жаклина Њежиќ и Золтан Шрамел, а соработник за конструкциите била Јелена Вилотијевиќ.

Автори на третопласираниот труд и добитници на наградата од 6.500 евра се Христијан Ивановски, Викторија Богданова и Александар Симјаноски од Скопје, со соработниците Благој Димитриески и Мартина Штериова.

Трета награда, тим од Скопје

Покрај овие проекти, стручното жири додели уште четири откупа. На конкурсот пристигнале 15 труда.

Цетиње распиша меѓународен јавен конкурс за идејно архитектонско решение за спортска сала во градот, врз основа на претходна одлука на Собранието на Цетиње, во која беа прецизирани локацијата, габаритите и другите критериуми за изградба на нова спортска сала.

Прва награда

По завршувањето на конкурсот и објавувањето на резултатите, ќе има подготовка и објавување на тендер по принципот „проектирај и изгради“, по што ќе се работи на изградбата на спортската сала на Цетиње, која би треба да започне следната година.