Термоцентралата Станари започна со тестирање пред официјалното пуштање во погон

Компанијата (EFT) објави дека започнала со тестирање на новата ТЕ Станари во Босна и Херцеговина. Централата има моќност од 300 MW и користи јаглен како гориво. EFT во 2008 година доби 30-годишна концесија за изградба на термоцентралата и проширување на блискиот рудник, а вредноста на инвестицијата е 560 милиони евра.

Изградбата на централата започна во 2013-та. Комплексот на електраната и рудникот вработува околу 900 луѓе. ТЕ Станари ќе има годишно производство од околу 2.000 GWh. Изведувач на работите беше кинеската компанија  Dongfang Electric Group.