Србија ги забранува малите хидроцентрали во заштитени подрачја

Со измените и дополнувањата на Законот за заштита на природата, кои наскоро ќе се најдат во процедура, во Србија ќе се забрани изградбата на мали хидроцентрали во заштитени подрачја.

„Хидроцентралите од дервиационен тип се штетни, посебно на начинот на кој некои од нив се изградени. За овој проблем имаме професионално-национален консензус. Се разбира, има и спротивни мислења, но фактите се неумоливи“ изјавил за медиумите министерот за животна средина Горан Триван. На инвеститорите кои веќе добиле дозволи за изградба на мали хидроцентрали во заштитени подрачја, ќе им бидат понудени алтернативни локации.