Спојот на анимираниот филм на Дизни и европската уметност на изложба во лондонскиот Wallace Collection

Уметниците кои стојат зад саканите цртани филмови на Дизни, идеи за амбиентот и деталите во филмовите како „Пепелашка“ и „Убавицата и ѕверот“ пронаоѓале во европската декоративна  уметност.

Овој спој на анимиран филм и европската декоративна уметност и омажот на Дизни кон истата, ќе биде претставен на пролет со изложбата во лондонскиот музеј The Wallace Collection во соработка со реномираниот њујоршки музеј Метрополитен, пишува Јутарњи лист. Изложбата ќе се отвори на 6. април, а ќе трае се до 16. октомври 2022 година.

Авторите на изложбата изложуваат шеесет примероци од европската декоративна уметност и дизајн од 18. век; од таписерии преку мебел до Boulle часовници и фин порцелан од ценетиот бренд Sèvres, заедно со 150 рачно изработени уметнички цртежи на хартија од библиотеката на Волт Дизни (Walt Disney Animation Research Librar), архивата на Волт Дизни, колекцијата на Волт Дизни (Walt Disney Imagineeriing Collection) и Семејниот музеј на Волт Дизни , информираат од Метрополитен музејот.

„Изложбата носи култни дела од 20. век и ги поставува со исклучителни уметнички дела од 18. век, давајќи нови сознанија за влијанието на француската уметност врз продукцијата на Дизни од 1930-тите до 1990-тите“, вели Макс Холејн, директор на Метрополитен и продолжува: „Анимираните филмови на Дизни и уметноста на рококо се проткаени со чувство на чудење и задоволство, а кај луѓеето предизвикуваат чувства на возбуда и воодушевување“.

Посетителите ќе можат да повлечат паралели помеѓу визуелниот идентитет на цртежите на Дизни и уметноста што послужила како инспиративен образец за низа дизајнерски решенија што ги пронаоѓаме во нивните анимирани филмови.

Експонатите ќе покажат како европската декоративна уметност на рококо се рефлектира во предметите од „Убавицата и ѕверот“, и како европската архитектура од средниот век и готика во „Заспаната убавица“ и „Пепелашка“. Од филмовите на Дизни се чита визуелниот идентитет на Европа низ поменатите историски периоди.

Особениот интерес на Волт Дизни за европската историја на уметност не е случаен. Фасцинацијата од европската декоративна уметност ја разбудиле неговите повеќекратни посети на Западна Европа.

Европските замоци како Neuschwansteina во Баварија и Val de Loirea се рефлектираат во архитектонскиот пејзаж на анимираните филмови, но и на тематските паркови на Дизни, додека ентериерите од „Убавицата и ѕверот“ потсетуваат на луксузните сали во Версај, во чија близина бил сместен Волт Дизни во младоста, додека работел како возач на Црвен крст.

Една изложбена секција ја отсликува љубовта на Дизни кон бајките на браќата Грим и Шарл Перо, рефлектирана во „Снежана и седумте џуџиња“, „Заспаната убавица“ и „Пепелашка“, која се фокусира на пионерската работа на аниматорките Бјанка Мајоли и Мери Блер.

Експонатите исто така го истражуваат и интересот на Волт Дизни за оживување на предметите. Дури и неговите рани кратки филмови „The Clock Store“ од 1931 година и „The China Shop“ од 1934 година, кои припаѓаат на серијата „Silly Symphonies“, сведочат за фасцинацијата со антропоморфни предмети, како што се чудните и ексцентрични разиграни фигури од „бело злато“ и ѕидните часовници. Овде, велат од Митрополитот, евидентно е влијанието на пасторалните слики на францускиот рококо сликар, Антоан Вато и неговите современици, но клучен е и технолошкиот напредок што го направиле фабриките за порцелан Meissen и Sèvres.

Најживописниот приказ на оваа тенденција во неживите предмети да се вдахне живот, бележи филмот „Убавицата и ѕверот“, познат по персонифицираниот чајник Mrs. Potts, шолјата Chip, часовник Cogsworth и свеќникот на Lumière кои пеат, танцуваат, зборуваат и чувствуваат, токму како човечките ликови. Токму на ова ќе му се посвети посебно внимание на Дизниевиот класик, која припаѓа на периодот на своевидна ренесанса во развојот на Дизниевиот анимиран филм, а со оваа изложба водно ќе се одбележи и триесетгодишнината од филмот на Дизни со најголемо влијание на рококо уметноста.

Рококото со оглед дека се обидува да создаде илузија на движење и живост, што ги постигнува преку употреба на органски форми и бои, и мотиви од природата, како школки, лисја и цвеќиња, е идеален стилски избор за предизвиците на аниматорите, чија примарна задача е да се вдахне живот во дводимензионалните цртани ликови.