Словачка предлага алтернатива за „Јужен поток“

Словачкиот оператор за пренос на природен гас „Еустрим“ предлага изградба на нов гасовод за снабдување  на природен гас од Западна Европа до Балканот, кој би бил замена за рускиот проект „Јужен поток“. Компанијата предлага гасот од дистрибутивните центри во Западна Европа, преку гасоводната мрежа на Словачка да се пренесува до Украина, а од таму до Романија и Бугарија. Гасоводот би имал капацитет од 20 милони метри кубни гас годишно, а би можел да се користи и за испорака на руски гас за Балканот, појаснува компанијата.