Синоним за одржливост и ефикасност – студентскиот дом Вита во Барселона

Студиото Batlleiroig Arquitectura го реализираше проектот за студентскиот дом Вита, во населбата Педралбес во Барселона. Објектот со 274 соби, претставува симбол на благосостојбата  на корисниците преку аспектите на одржливост, квалитет и контакт со природата.

Студентскиот дом промовира нов начин на живеење благодарение на собите, опремени како би ги задоволиле потребите на студентите, одржувајќи ја истовремено приватноста и индивидуалноста. Покрај тоа, проектот изобилува со заеднички простори кои поттикнуваат социјализација и живот во заедницата со остатокот од заедницата.

Проектната програма се развива на површина од 9.213 m²  и истата е организирана во три објекти на четири ката, меѓусебно поврзани. Фасадата е едноставна, квалитетна и колоритна, интегрирајќи се во просторот притоа, почитувајќи го постоечкиот вегетативен фонд на локацијата.

Се почитуваат строгите параметри за одржливост и заштеда на енергија, поседува термичка обвивка, промовира одржлива мобилност благодарение на просторите за одлагање  велосипеди, скутери, а и поради лесниот пристап. Сето ова на студентскиот дом Vita Student му обезбеди сертификат за одржлива градба BREEAM и висока енергетска оцена А.

Неговиот дизајн и модулација се рефлектираат директно на неговата програма, прилагодувајќи се на две различни сценарија поради неговата ориентација и околина. Од една страна, северната и источната фасада се директно поврзани со улицата, додека од друга страна, јужната и западната фасада се најмногу изложени на сонце и се во директен контакт со градината; Поради оваа причина, предложени се транспарентни фасади со тераси и вегетација кои обезбедуваат заштита од сонце и градат квалитетни надворешни просторни оази во контакт со природата.

Дизајнирана е вентилирана фасада со зелена екструдирана керамичка завршница со геометрија која е врамена со алуминиумски профили што ја нагласуваат нејзината модулација. Оваа завршница и нејзината геометрија создаваат игра на сенки што варира во текот на денот, карактеризирајќи ја сликата на зградата и создавајќи топлинска обвивка што придонесува за намалување на побарувачката за енергија на самиот објект.

Вградувањето на низа мерки според строгите параметри за одржливост и високата ефикасност на неговите капацитети ги намалуваат емисиите на CO² на минимум, што значи дека студентскиот дом троши 85% помалку од она што е утврдено со регулативите.

Вградени се обновливи извори за производство на енергија, како што се фотоволтаични соларни панели – со годишно производство од 42 MWh/годишно – како и термални соларни панели за производство на топла вода за домаќинство – кои покриваат 70% од побарувачката на зградата.

Истовремено, одлучено е да се спроведе одговорно управување со водите, со воведување на ефикасна опрема, автохтона вегетација со ниски потреби за вода и реупотреба на 100% од дождовницата. Дождовницата што доаѓа од покривот на зградата се користи за наводнување на сите зелени површини, а оние од надворешната урбанизација се инфилтрираат во самата земја. Со овие мерки се минимизира потрошувачката на вода и испуштањето при третманот на отпадни води.