Шарени велосипеди со уметнички потпис

Белгискиот уметник Jean-Luc Moerman се здружи со италијанскиот велосипедски бренд Cinelli за да создадат линија на шарени и интересни превозни средства на две тркала.

Уметникот имал целосна слобода да обмисли 11 велосипеди, а како резултат е добиена впечатлива и уникатна линија од која секој модел е уникатен со своите технички карактеристики, но едно нешто ги обединува – максималниот квалитет на материјалите од кои се направени. Секој велосипед е украсен со сет на бои инспирирани од сонцето и неговото влијание врз морето. Појава која го фасцинирала уметникот, кој исто така е страствен велосипедист, па не е чудно што лесно ја прифати понудата на овој италијански бренд.