Седум еко-проекти во Ротердам го оживуваат градот

Ротердам, како најголемо пристаниште во Европа и центар на многу светски настани, уште еднаш ја потврди својата еколошка свест, имајќи во план реализација на седум еко-проекти.

Благодарение на инвестиција од 233 милиони евра, седум нови урбанистички проекти ќе го направат Ротердам уште попријатен и поудобен за живеење во следните неколку години.

На државно ниво, овој проект е претставен како основен ресурс за заживување на економијата која ја наруши Ковид 19, но и за еколошките предизвици со кои градот мора да се соочи.

Основните пет насоки за спроведување на овој проект се:

– обновување на стратешките области

– создавање препознатливи места

– комплетна имплементација на проектот во градот и општеството

– еко-проекти како катализатор и за соседните населби и градови

– претставување на проектот како целина, а не мноштво индивидуални елементи

Изглед на новиот парк Maashaven

Свеста за високиот квалитет на заедничките простори е особено нагласена во ерата на Ковид и дополнително ја поддржува имплементацијата на проекти кои ќе воведат „нови зелени бели дробови“, клучни за борба против глобалното затоплување, ублажување на обилните дождови и можноста за изградба на станови во области кои претходно биле забранети за домување поради големо загадување на воздухот и бучава.

новиот Westblaak

Стратешките сообраќајни центри, како што се плоштадите Alexander и Hof, ќе остават повеќе простор за пешаците и велосипедистите, збогатувајќи го просторот со рекреативни и станбени објекти кои ќе го подобрат нивното социјално значење придонесувајќи во борбата против загадувањето. Живиот плоштад Schouwburg ќе биде обновен и модернизиран. Нови уредени паркови ќе бидат поставени долж поранешниот вијадукт на железничката линија Hofbogen и во пристанишните области Maashaven и Rijnhaven, додека областа Feyenoord ќе биде домаќин на голем речен парк.