Се асфалтираат двете тениски игралишта во Штип

  

Денес започна асфалтирањето на двете тениски игралишта во Штип, проект кој локалната самоуправа го спроведува во соработка со Агенцијата за млади и спорт. До мултифункционалното игралиште во населбата „Сењак“, кое исто така беше завршено пред неколку месеци во соработка со АМС, се конструирани и две тениски игралишта кои денес ќе добијат асфалт:

– Ова е проект вреден над 120.000 евра и со него ќе се комплетира овој спортски дел, во овој дел на градот. Овие тениски терени ќе бидат можност многу млади да започнат да спортуваат и да го изберат тенисот. Ние до крајот на месецот ќе започнеме и со реконструкција на градскиот стадион, проект кој го правиме со ФФМ, – изјави градоначалникот на Штип,  Илчо Захариев.