SCOPE од архитектонското студио mA – Style Architects

Ситуирана на брдовита локација на платото Макинохара, Јапонија, во рурална средина исполнета со чајни плантажи, оваа скулптура која се издвојува како голема цевка што штрчи од карпестото земјиште на долината, повторно го враќа шармот и посебноста на пејзажното опкружување и воедно создава неизбежна релација помеѓу човекот и природата. Основната цел на архитектите претставува креацијата на објектот како северно ориентиран „набљудувач“ со фокус кон градот и околните полиња – цевка прикрепена од монументални бетонски ѕидови – гигантски трапезоиден телескоп, кој целосно го апсорбира непосредното пространство.