Руски архитект со иновативен дизајн на куќа во облик на цевка која „виси во воздух“

Рускиот архитект Сергеј Кузнецов, го претставил својот иновативен дизајн на куќа во облик на цевка која на локацијата каде е поставена делумно „виси во воздух“. Внатрешноста ги соржи сите елементи на стандардна куќа, а интересно е дека при изградбата се користени техники кои се употребуваат во бродоградбата. Проектот под името Russian Quintessential директно е поврзан со професионалните искуства на архитектот и спаѓа во доменот на иновации во архитетурата.  Куќата е направена во облик на цевка со дијаметар од 3,5 метри и должина од 12 метри. Поставена е на терен со различна височина.  Рамката на објектот е изработена од потпорни ребра како тело на брод, а импресивната маса од 12 тони се одржува во рамнотежа со само шест завртки. Обвивката на објектот е направена од нерѓосувачки челик со дебелина од 4 mm.