Роботи заварувачи изградија 3D печатен челичен мост

Уште во јуни 2015, холанската компанија која се занимава со 3D печатење, планира да печати пешачки челичен мост преку амстердамскиот канал Oderezijds Achterburgwal. Мостот сега веќе е комплетиран и останува само да се монтира преку каналот.

За изградбата на овој мост, компанијата ги користела своите четири MX3D-метал роботи. Тие се состојат од роботски раце за заварување кои поставуваат „грутка“ растопен метал, а потоа се додава наредна, по што тие се стврднуваат се додека не се креира целиот метален столб. Контролирајќи ја точката во просторот каде се врши заварувањето, можно е да се контролира ориентацијата на столбовите. Не се потребни никакви дополнителни материјали, и на овој начин може да се изведат прилично големи конструкции. Мостот е долг 12,5m и широк 6,3m, а за неговото печатење биле потребни 6 месеци. Во него се вградени 4.500kg нерѓосувачки челик и 1.100km жица.

Првобитно било планирано роботите да го изработуваат мостот на самата локација, но утврдено е дека тоа е непрактично.