Рекордна суша во Амазонија

Прашумите во Амазонија во последните неколку месеци минува низ најголемата досега забележана суша, што довело до изолација на многу села кои се отсечени од светот. Чести се и шумските пожари, што доведува до тоа најголемата шума на светот да биде до точка без враќање.

Недостатокот на врнежи во Амазонија довел и до затворање на хидроелектраната „Санто Антонио“ на реката Мадеира. Како резултат на тоа исклучен е и далеководот помеѓу северот на Бразил и густо населените јужни региони. Додека некои вината ја гледаат во феноменот „Ел Нињо, климатологот Карлос Нобре, водечки бразилски научник и член на Кралското друштво на Велика Британија, причините ги гледа во „веројатно влошената климатска криза“. “Некогаш ретките амазонски суши сега стануваат се почести, ја забрзуваат загубата на самите шуми и го туркаат регионот до точка од која нема враќање во смисла на деградација и дезертификација“, објаснува тој.

Научниците прогнозираат дека јаките суши во Амазон и другите екстремни временски настани, како рекордните поплави во 2021 година, веројатно ќе се интензивираат со растот на глобалните температури.