Насловна / Вести / Правилно наводнување на градината во лето

Правилно наводнување на градината во лето

За време на големите жештини, правилното наводнување на градината е од голема важност за опстанокот на цвеќињата и растенијата.

Ако сакате вашата градина и цвеќињата на терасата да бидат негувани, убави, зачувани и свежи во текот на летните месеци, клучно е правилно да ги наводнувате растенијата.

gradina_resize

Колку ќе ги наводнувате растенијата зависи од многу фактори, како што се положбата на градината и количината на врнежи. Колку ќе ја полеете земјата, зависи и од тоа дали вашата градина е на отворено или станува збор за цвеќе на терасата. Ако станува збор за тераса, ќе обрнете внимание на која страна е поставена терасата, на сонце или во сенка.

gradina1_resize

Еве четири правила за наводнување на градината за време на високи температури:

НАЈДОБРО ВРЕМЕ ЗА НАВОДНУВАЊЕ

Најдобро време за наводнување е рано наутро. Ако не успеете во тој период тогаш, наводнете ја градината навечер, кога сонцето ќе зајде. Тогаш земјата се лади и водата ќе навлезе подлабоко. Нема да испари веднаш и растенијата ќе имаат доволно влага.

gradina2_resize

ПОТРЕБНА КОЛИЧИНА НА ВОДА

Друго важно правило е дека најдобро е да се напојат растенијата поретко, но со поголема количина вода. На растенијата во саксии почесто им треба вода затоа што околу нив нема голема количина на почва што ќе ја држи влагата.

Пластичните саксии не се толку привлечни, но тие не се загреваат брзо и складираат помалку топлина. Ако немате многу време, можете да купите саксии со вградени системи за наводнување. Индикаторот може да биде од голема помош при наводнување, ако постојано не сте сигурни дали растението имало доволно вода или му треба уште малку. Важно е во сите видови саксии да имаат дупки низ кои вишокот вода може да се исцеди.

Можете да спречите сушење на почвата со редовно растресување на горната површина на земјата и додавање на нов слој ѓубриво.

gradina4_resize

НАЧИН НА НАВОДНУВАЊЕ – НЕ ГИ ПОЛЕВАЈТЕ ЛИСЈАТА

Без разлика дали наводнувате поголеми површини со градинарско црево или саксии, внимавајте да не ги наводнувате растенијата одозгора, бидејќи влажните лисја се идеални за развој на разни болести. Не напојувајте само од едната страна. Најдобро е да се напои растението во круг, така што водата е рамномерно распоредена.

gradina6_resize

gradina7_resize

ПРСКАЛКИ

Ако имате опција, најдобро е да инсталирате прскалки за тревникот. И тоа најдобри се оние со подобар квалитет, што може да го сменат аголот и опсегот на наводнување. Можете да поставите повеќе и да ги вмрежите со систем на црева, така што ќе ја покриваат целата површина.

gradina2_resize

Исто така, особено е важно доколку се закани топол бран, градинарите да не го косат тревникот премногу кратко и да ја косат тревата без да ја собираат во корпите. Искосената трева останува на тревникот и служи како прекривка која складира влага и го штити тревникот од сушење.

gradina3_resize

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top