Porsche ги обои сладоледите со боите на своите автомобили

Кога ќе го слушнете зборот Porsche, сигурно последното нешто што ви паѓа на ум е сладолед.

Брендот со седиште во Штутгарт се здружи со компанијата за сладолед од Чикаго, Pretty Cool Ice Cream, за да лансира ограничено издание на замрзнати задоволства инспирирани од препознатливите бои на автомобилите на Porsche.

Во чест на Националниот ден на сладоледот 17. јули, Porsche Cars North America, Inc. лансираше сладоледи со ограничено издание инспирирани од боите на Porsche. Создадени се пет видови сладолед со привлечно пакување кое одговара на различните вкусови: Mint Green, Strawberry Red, Macadamia Metallic, Frozen Berry Metallic и Lime Gold Metallic.