Погледнете во „сефот“ на Арктикот во кој се чува иднината на Земјата

На Арктикот се чуваат големи количини различни семиња, за случај на огромни природни катастрофи со цел да се спасат растителните видови на нашата планета. Влезот на овој „сеф“ направен е од бетон, а во него се складирани 837.931 примероци од семиња на температура од -18 ⁰C. Ова засолниште е направено во регионот кој се вика Свалбард, и се наоѓа помеѓу Норвешка и Северениот Пол.

„Засолништето е направено за да може човештвото да преживее катаклизма и да се одржи човечкиот род. Тоа е свето место, на кое ќе застанете и добро ќе размислите“, вели Мајкл Кох, еден од луѓето задолжени за одржување и функционирање на овој објект. Семињата ко овде се чуваат доаѓаат од сите краишта на светот, па дури и од изолираната Северна Кореја.