Поетско-улична визија на шпански уметник

Шпански уметник кој работи под името Pejac стана познат по неговите поетски траги кои ги остава на ѕидовите во разни светски престолнини како што се Париз, Лондон, Москва, Милано и Истанбул. Тој со својот специфичен уметнички стил донесува еден сегмент на романтична визија за она што ние го нарекуваме улична уметност. Основната идеја му е да ја приближи уметноста на луѓето, да им ја направи достапна и надвор од музеите.
Како што самиот кажува за својата уметност: „Меланхолијата и хуморот се моторот на моите идеи и уметност, а реакциите на луѓето ме тераат да работам понатаму. Животот на возрасните се случува во потполна инерција, и единственото нешто што може да ги размрда се лошите вести. Ако успеете барем малку да ги размрдате и да ги инспирирате со нешто позитивно, тогаш целата моја работа добива смисла“.