Pasta la Vista бејби во Казахстан

Во градот Алмати (поранешна Алма-Ата) отворен е ресторан чиј ентериер е инспириран од познатиот Мемфис стил и проектиран како визуелно патување низ современата италијанска гастрономија.

Третиот по ред ресторан во растечкиот синџир Pasta la Vista во Казахстан носи освежувачка и разиграна интерпретација на концептот на италијански бистроа.

Зад идејата стои јасно дефинирана естетика – Мемфис стилот од 1980-тите, реинтерпретиран преку современ дизајнерски израз, локална изработка и препознатливата визуелна култура на брендот.

Првична инспирација

Смелите бои и геометриските форми карактеристични за движењето Мемфис се реинтерпретирани во функционалниот контекст на просторот во ресторанот.

Двете доминантни нијанси, црвена и маслинесто зелена, произлегуваат директно од визуелниот идентитет на брендот и се провлекуваат во секој детаљ од ентериерот – од обработката на ѕидовите и мебелот до акцентите во осветлувањето и декорацијата.

Формите како симбол на различноста

Геометриските мотиви, како што се издолжените правоаголници и брановите, не се избрани случајно. Тие претставуваат метафората на италијанската кујна – нејзината истовремена строгост и леснотија.

Визуелниот наратив на просторот е обликувана од ритамот на формите, боите и материјалите, нагласувајќи ја идејата за кулинарско патување.

Игра на логика и емоции

Просторот е внимателно организиран за да овозможи јасно зонирање, но и флуидност на движењето. Влезот е дизајниран како еден вид портал, а композицијата веднаш по влегувањето поставува емотивен тон преку играта на две нијанси на црвена и бордо.

Наспроти влезот се наоѓа огледало со целосна висина кое просторно го отвора ентериерот и внесува дополнителна длабочина.

Поддршка на локалното производство

Целиот мебел во главната сала е дизајниран од бирото и направен во соработка со локални занаетчии.

Оваа практика, која ги комбинира современиот дизајн и локалната изработка, станува препознатлив потпис на бирото NAAW, а акцентното осветлување дополнително придонесува за атмосферата на пријатност и модерен израз.

Уметноста како контрапункт

Посебен фокус на ентериерот е сликата „Silence“ од уметникот Роман Захаров, инспирирана од естетиката на Stanley Donwood и музиката на бендот Radiohead.

Нејзината воздржана поетика е во контраст со смелата визуелна приказна за просторот, воведувајќи момент на тишина и интроспекција.

Визуелна разиграност во служба на функцијата

Ентериерот на ресторанот Pasta la Vista сведочи за високо ниво на промисленост во секој сегмент – од развивање на концептот до надзор на реализацијата.

Со комбинирање на локална изработка, препознатлива естетика и функционален пристап, просторот успева да биде визуелно импресивен и совршено употреблив.

Резултатот е амбиент во кој дизајнот не се доживува како декор, туку како дел од целокупното доживување на италијанската кујна.