Отворена изложбена галерија „Флукс“ во Скопје

Во Скопје е отворена комерцијално-изложбена галерија „Флукс“ за современи уметности, сместена на фреквентниот булевар „Партизански одреди“.
Изложената поставка ја сочинуваат дела од етаблирани современи македонски автори, чии дела се изложуваат во Европа и во САД, и нивните дела се нудат на тамошните уметнички пазари.

Сега граѓаните ќе имаат можност својот приватен и професионален простор да го облагородат со некое современо уметничко дело.
Според организаторите, галеријата ќе организира бројни самостојни, групни, тематски и курирани ликовни изложби, со цел за развој на современата ликовно уметничка и галериска сцена, како и останати културни настани од музичката и книжевната уметност.