Насловна / Архитектура / Отомански куќи како инспирација за музеј

Отомански куќи како инспирација за музеј

Лоциран на северозапдот на Турција во универзитетскиот град Ескишехир, музејот Odunpazari Modern Museum (OMM), претставува уметнички полигон со површина од 4.500 квадратни метри, кој ќе биде отворен ова лето.

2
Музејот е основан од колекционерот на уметнички предмети и бизнисмен Ерол Табан, а проектот е под водство на прочуениот архитект Кенго Кума. Новиот музеј ќе содржи вредна колекција на модерна и современа уметност, почнувајќи од 50-тите години на минатиот век до денес.

1
Дизајнот насочен на дрво како примарен конструктивен елемент, оддава почит на локалната архитектура, но и историјата на градот која била обележана со успешна трговија со дрво. За Ескишехир биле карактеристични отомански дрвени куќи со еркери, кои биле инспирација за архитектурата на објектот. Дрвото се појавува и на фасадите и се провлекува низ целиот ентериер.

3

Нов градски репер

Музејот OMM заедно со околните културни институции ќе формира плоштад, кој би требало да стане ново место на собирање, а музејот нов културен симбол на градот.
„Срцето на овој проект беше желбата да се креира врска помеѓу луѓето и уметноста. Сакавме објектот да ја носи историјата и сеќавањето на градот, а истовремено да внимава и на односот кон човекот. Со големо нетрпение чекаме да видиме како јавноста ќе комуницира со зградата“, истакнал Кенго Кума.

4

5

Отворен концепт

Просторот на музејот е организиран низ три ката, почнувајќи од приземје кое е решено преку отворен концепт за организирање на поголеми поставки, а на спратовите се продолжува со систем на помали простории за поставување на уметнички дела од помал формат.

6
Централно поставениот атриумк ги поврзува катовите и овозможува проток на потребно количество природна светлина во внатрешноста на објектот.

7

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top