Оригинален ентериер и кубичен вакуум

После нивната куќа наречена S-house, која си поиграуваше со транспарентноста на стаклените ѕидови и скалишната структура, јапонското студио Yuusuke Karasawa Architects ја реализираат својата идеја за куќата во форма на коцка, наречена Villa Kanousan која се наоѓа на островот Хоншу во Јапонија.

Со својот оригинален ентериер овие два ката на куќата се замислени како „кубичен вакуум“ со тоа што пресекуваат делови од ѕидовите и основите во различни кубични и геометриски форми со различни деконструктивни и аголни методи.

Притоа се ослободува „проток“ на просторноста, се овозможуваат нови видици и се игра со светлината, аглите и чувството за просторот во една јасна и чиста архитектонска геометрија.