Оригами светилки: Issey Miyake за „Артемиде“

Благодарени на 3D геометриските принципи што ги развил Jun Mitani, познатиот јапонски дизајнер Issey Miyake осмисли нова колекција на светилки и ламби, насловена IN-EI.

IN-EI на јапонски значи „сенка, нијанса“, и токму така изгледа новото осветлување од хартија презентирано од страна на италијанската компанија Artemide. Во зависност од тоа како светлината се прекршува по различните површини, се добиваат различни нијанси на сенки, со што се создава многу интересен впечаток во просторот.

Цената на овие оригами осветлувања се движат од 200 па до 600 евра за подни ламби.

Целата колекција е спакувана во прилично тенки кутии и е многу погодна за транспорт. При распакувањето, треба само да се развлече за да светилката ја добие својата оригинална положба.