Објавен „стрес тестот“ на Европската комисија за влијанието на гасната криза

Европската комисија објави дека според направените истражувања, Македонија, Србија, БиХ, Финска и Естонија се меѓу најзагрозените земји доколку дојде до гасна криза. Гинтер Етингер, потпретседател на ЕК задолжен за енергетика, изјави дека е потребна заедничка работа на овој проблем. Во извештајот е наведено дека групата најзагрозени земји ќе се соочи со недостаток од околу 60% од овој енергент, а би биле загрозени и земјите од Европската Унија.

Симулационите вежби се спроведени во 38 европски држави (членки на ЕУ и соседните држави), а заклучено е дека водечки принцип мора да биде пазарниот пристап.