Нова Опера во Дизелдорф по проект на Snøhetta

Новата атракција на Дизелдорф секако ќе биде објектот на Операта Duett Dusseldorf, проектиран од страна на архитектонското студио Snøhetta. Овој повеќеслоен комплекс кој ќе биде еден од центрите на уметничкиот и културниот сектор на Дизелдорф, се состои од две навалени кули кои се издигнуваат од хоризонталниот дел кој претставува ново концертно место. Освен концертниот дел, тука ќе се наоѓа и хотел, деловен простор и резиденцијален дел. Објектот се наоѓа во близина на паркот Hofgarten и реката Рајна, а неговото приземје ги претопува границите помеѓу надворешниот и внатрешниот простор преку стаклена фасада.  

Стариот културен објект повеќе не ги исполнувал барањата, така што новата оперска куќа ќе го замени, но и ќе додаде во комплексот низа нови функции. Оперската програма е сместена во хоризонталниот дел, што исто така создава целина со опкружувањето. Приодот од паркот до главниот влез е опкружен со урбана шума. Градината на покривот од објектот е дел од јавниот простор, и планирано е да поддржи широк спектар на културни настани. Слоевитата стаклена фасада на надворешните и внатрешните страни на конструкцијата, даваат посебна димензија на целата околина. Целта на ваквиот дизајн е да креира простор за сретнување на луѓето од различни области, но и да креира атрактивен јавен простор.