Порта3 – градежништво, архитектура и екологија Порта3 – градежништво, архитектура и екологија
Извајаната кула во форма на спирално скалило е всушност опсерваторија висока 25 метри со поглед на областа Хјемстед Олдтидспарк во Данска. Целта била да се создаде место од кое ќе може да се види пошироката област, од која посетителите ќе можат да ги набљудуваат природните убавини на овој регион во рамките на „Marks Camp“. Проектот го направи Bjarke Ingels Group (BIG).
Обликот на оваа кула е инспириран од спирала на ДНК молекули. Поделена е на два одделни чекори, едната за качување, а другата за спуштање. И двете им нудат на посетителите неверојатен поглед на далечната околина. До платформата на врвот може да се пристапи со мал лифт што поминува низ централниот дел на кулата и чиј отвор може да се види на врвот.
Опсерваторијата ќе биде изработена од кортен челик што ќе и даде посебен изглед на конструкцијата. Материјалот е избран заради чистиот и едноставен израз, како и заради отпорност на корозија, а BIG се надева дека ќе се вклопи во околното природно опкружување и дека ќе им се допадне на локалните жители и посетителите.
Целта на овој амбициозен проект е да и се даде на оваа област возбудливо и искуствено архитектонско обележје што ќе привлече туристи од целиот свет во Хемстед.
