Неверојатни хиперреалистични скулптури на Џејми Салмон

Џејми Салмон е самоук современ скулптор, роден Британец, кој живее и работи во Ванкувер, Канада. Својата кариера ја започнал работејќи како комерцијален уметник и скулптор за индустријата за филмски ефекти. Се специјализиран за хиперреалистична скулптура, како фигуративна така и портретна, користејќи материјали како што се силиконска гума, смола, коса и ткаенина.

Темите на работата на Салмон се различни. Тој вели: „Сакам да ја користам човечката форма како начин за истражување на природата на она што го сметаме за „реално“ и како реагираме кога нашите визуелни перцепции за оваа реалност се предизвикани. Во нашето модерно општество, станавме опседнати со нашиот надворешен изглед, а сега со современата технологија ова можеме да го промениме на било кој начин. Како оваа надворешна промена влијае на нас и како другите не доживуваат? За мене најважниот дел од уметничкиот процес е иницијалната идеја која стои зад делото. Ако не е колку што е можно посилна, тогаш долготрајниот процес на вајање, обликување, сликање итн. – без оглед коку и да е добро изведен – ќе биде залуден и делото ќе пропадне.“

Делата на Салмон можат да се најдат во јавни, приватни и музејски збирки низ целиот свет. Неговата работа продолжува да се изложува на меѓународно ниво.