Научниците предупредуваат: Црното Море станува опасно!

Во последните неколку години, Црното Море станува опасно. Руски научници од Институтот за океанологија истакнаа дека бурите во морето драматично се зголемуваат. За да го направат овој заклучок, стручњаците го набљудувале однесувањето на водните маси во текот на 37 години, соопштува kr.ru.

Научниците спроведоа анализа на податоците добиени од движењата на морето од 1979 година до сега, и утврдиле дека во последните 25 години во просек бурите на Црното Море се зголемени за 10-15 %. Исто така, експертите докажале дека висината на брановите на Црното Море значително е зголемена. При бура тие достигнуваат до рекордни 20 метри.

Според нив, не во толку далечна иднина ќе треба да се зајакнуваат бреговите на Црното Море. Веќе е докажано дека дури и брановите при бури со умерен интензитет можат да нанесат значителна штета на бреговите и инфраструктурата.