Наскоро ќе стартува кампањата „Green key“ во Црна Гора

Кампањата „Green key“, која наскоро ќе биде воведена во Црна Гора, укажува на квалитетот на услугите и односот кон животната средина во туристичките објекти – хотели и кампови. Се работи за програма која е пандан на „Синото знаме“ за плажите. Целта е подигање на свеста кај клиентите, персоналот и сопствениците за потребата од заштита на животната средина и популаризација на одржливиот развој. Почетоците на овој концепт датираат од 1994 година и за првпат се појавува во Данска.

Програмата „Green key“ има четири цели кои настојува да ги оствари, а тоа се едукација на сопствениците, персоналот, клиентите и другите засегнати страни за заштита на животната средина и одржливиот развој, потоа да се намали влијанието на сместувачките капацитети на околината, остварување на економска добивка преку намалување на потрошувачката и маркетиншко промовирање на објектот односно популаризација на еколошката маркичка.

„Green key“ се доделува за една година во текот на која се врши најмалку еден аудит односно инспекција.