Најубавото село на светот – живописно место заробено во минатото

Според американското туристичко списание Travel + Leisure, малото живописно место на врв од карпа на надморска височина од 340 метри, се смета за најубаво село на светот. Станува збор за Горд (Gordes) во Франција сместено во регионот Provence-Alpes-Côte d’Azur , кој секоја година привлекува посетители од целиот свет поради својата безвременска убавина, културното богатство и шарм. Сега во пролет, Горд е посебно волшебен поради своите бои и мириси од природата која вреди да се доживее. Историјата на Горд допира до римско време, но во текот на средниот век селото ја примило својата денешна конфигурација со тесни улици, автентична архитектура и фасцинантен средновековен дворец кој гледа на долината. Со векови напредувал благодарение на земјоделството, а посебно е познат по производството на керамика, традиција која трае и денес.

Убавината на ова митско село лежи и во неговата архитектура, со уредени камени згради кои совршено се вклопуваат во пределот. Дворецот кој е изграден во XI-тиот век и кој е обновуван и прошируван низ вековите, е едно од најимпресивните места кои вреди да се посетат. Пазарот е посебна атракција, каде посетителите можат да ги откријат локалните производи, ракотворби и сувенири од овој регион. Горд е исто така популарна дестинација за снимање филмови и телевизиски емисии.