Милијардерот Слим со електрични такси возила ќе го спасува Мексико Сити од загадувањето

Giant Motors, производител на автомобили кој делумно е во сопственост на мексиканскиот богаташ Карлос Слим, развива прототип на електрично такси возило кое би требало да биде замена за превозот со класичните такси возила во Мексико Сити, и на тој начин сериозно да се намали загадувањето на воздухот во престолнината на Мексико. Во партнерство со производителот на автомобили Moldex и четири мексикански универзитети,

Giant планира да произведе пософостицирана замена за дури 130.000 регистрирани такси возила. Густиот смог е честа појава во главниот град на Мексико кој е најголем мегалополис на западната хемисфера. Поради тоа властите често присилно го редуцираат автомобилскиот сообраќај. Во градот сообраќаат 5,4 милиони автомобили.