Мароко: До крајот на годинава во погон најголемата соларна централа во светот

Кон крајот на годинава, во Мароко ќе започне со работа најголемата соларна централа во светот. Се работи за централата односно комплексот  Noor (I, II и III). Изградбата на централата која ќе ги намали емисиите на CO₂ за 760.000 t годишно, ја спроведува шпанскиот конзорциум TSK-Acciona-Sener. Станува збор за соларна термална централа, кај која сончевата енергија се концентрира со помош на рефлектирачки параболични површини, и се користи за загревање на термичко масло до темепаратури од 350 ^oC. Понатаму во топлиноизменувачи се генерира  пареа која ги задвижува парните турбини за да произведе електрична енергија.

Мароко во моментот задоволува 97% од своите енергетски потреби преку фосилни горива, а планира до 2020 година да произведува 42% од своите потреби за енергија од обновливи извори на енергија. До 2030 година се планира овој процент да достигне 52%.